هع

تقوم اميره بعاده محببه لديها كل اسبوع هى ان تحاول ان تخضنى حيث انها تعانى من عقده " الخضه " , يعنى المسكينة تعانى من ان ابناء العائله الكريمه و خاصة العقلاء منهم امثالى و امثال عمها الكبير يقومون منذ صغرها بعمل حركات ناقصه , اهم هذه الحركات هى اننا نخض اميره

فالبالتالى , اميره تحاول كل اسبوع انها تخضنى , فى الحقيقه كتير بتخض بس مش بيبان على و انا طبعا انكر تماما انى اتخضيت , فالبنت تمشى بحسره كل المجهود اللى راح هباء

النهارده اخيرا قررت اعترف لها ان الحركه اللى عملتها خضتنى

فما كان منها سوى ان ضحكت ضحكه انتصار و قالت " اخيرا عرفت اخضك " ثم تولت عنى , راحت تذاكر و اسمعها تغلق باب الحجره ب " هع " الانتصار

(part (-1

يااااااااااه , يا حرااااام , يانهار

عبوس , تركيز , تأثر

كل ده كان رد فعل اميره و بودى على lion king الجزء الاول اللى اصلا احنا مشغلينه للأستاذ موكى, بما انهم يعنى مش شافوه من سنين فجالهم فقدان ذاكره تقريبا

و فى نص الفيلم تقوم منافسه حاده بين اميره و بودى , اميره تصر ان ده الجزء الاول و بودى مصر ان فيه جزء اول كان موفازا و اخوه لسه اطفال صغيريين

فلما انا طبعا هادم اللذات , قطعت الشك باليقين و ان ده هو الجزء الاول , بودى طالب بحقه فى انه يكون على حق و عايز يتفرج على الجزء -1 علشان يكون فيه جزء قبل الجزء الاول