ع.ي.ا. ل @@@ عيال

سئلت لماذاوما هدفها؟أجيب بأنه من الانانيه أن نكتب عن أنفسنا فقط فى حين أن الأطفال( معجزة حية من معجزات الرحمن) يُعَّلِمونناو يقَوِّمون الكثير من سلوكياتنا بتـلـقـائـيـه ليس لها مثيل برغم تكبّرنا على الأعتراف بهذا ............ محركى الأحداث: **بودى: كى جى 1 ...5 سنوات **أميرة: ثالثة ابتدائى .شهادة يا ناس...8 سنوات **نوران: ثانية ابتدائى....7 سنوات حاليا اخيرا و ليس أخرا , محمد أحمد سنتين و مفيش كلام. عام 2017: بودى 17،أميرة21،نوران20،موكى8 سنوات

السبت، فبراير 09، 2013

انت عامل ايه ؟

يوم رياضى ، يبدأه عبد الرحمن بالذهاب للتمرين، بعد ما خلص رجع على بيت تيته و جدو ، دخل المطبخ لقى نوسه و مامته و القط ، دردش شويه معاهم و هو خارج لقيناه مسك القط و بيقول له : تعالى معايا نتكلم شويه بره ، انا راجع من التمرين و زهقان ، تعالى لحد ما يخلصوا الأكل .
و مشى  و تناهى لأذنى هذا السؤال.

عبد الرحمن : ها ، قوللى ، انت عامل ايه ؟

مين حبيب موكى

حادث 1
موكى يعود للمنزل ، 
موكى : عاااااااااااااااااااااااا
ملك : يا مامى واااااااااااااااااااااااااء
بس يا موكى ملك و ساره  اخواتك مش تخضهم

حادث 2
موكى يعود من الحضانه ،
موكى :عووووووووووووووووووووو
ملك : ااااااااااااااااااااااااااااااااااااااااااااااه يا مامى .....واااااااااااااااااااااء
بس يا موكى ملك و ساره اخواتك مش تخضهم

حادث 3
موكى يلعب فى الصاله ،
طاخ
ساره : واااااااااااااااااااااااااااااااااااااااء      
اميره :  يا ماما الحقى موكى بطح ساره
بس يا موكى ملك و ساره اخواتك مش تضربهم

حادث 4
موكى يلعب فى الحجره ،
بوم
ملك : اااااااااااااااااااااااااااااااااااه يا طنط موكى زقنى على الارض
بس يا موكى ملك و ساره اخواتك مش تزقهم

و تتوالى الحوادث بطول اقامه ملك و ساره اولاد خاله موكى معهم فى اجازه نصف العام
.
.
.
.
فى يوم شمس و دفا موكى  يلعب على الكمبيوتر بتاع نوسه عربيات
نوسه : أميره ، شوفى العاب موكى  ايه انا مش بعرف اجيبها

أميره تجلس بجانب موكى ، حنان الملائكه ينزل عليها فجأه 

أميره تسأل موكى : مين حبيب موكى 
موكى : بودى
أميره : و ميرو اختك مش حبيب موكى !!!
موكى : اه ميرو حبيب موكى
أميره : يعنى ميرو و بودى حبيب موكى
موكى : اه
أميره : يعنى  اخواتك كلهم حبيب موكى. صح ؟
موكى : اه
أميره : يبقى ميين حبيب موكى
موكى : ملك و ساره