ع.ي.ا. ل @@@ عيال

سئلت لماذاوما هدفها؟أجيب بأنه من الانانيه أن نكتب عن أنفسنا فقط فى حين أن الأطفال( معجزة حية من معجزات الرحمن) يُعَّلِمونناو يقَوِّمون الكثير من سلوكياتنا بتـلـقـائـيـه ليس لها مثيل برغم تكبّرنا على الأعتراف بهذا ............ محركى الأحداث: **بودى..............كى جى 1 ..5 سنوات **أميرة.......ثالثة ابتدائى .شهادة يا ناس...8 سنوات **نوران.......ثانية ابتدائى....7 سنوات حاليا اخيرا و ليس أخرا , محمد أحمد سنتين و مفيش كلام

الجمعة، فبراير 28، 2014

شحن التابلت خلص

اليوم الجمعه و موكى جاب لنا صديقه ساهر معاه
بعد الغداء كله قاعد يلعب ، موكى بالتابلت و بودى بالتابلت و ساهر على كمبيوتر تيته
...
بعد فتره شحن التابلت يخلص ، و موكى يقرر يغور على كمبيوتر ساهر و لازم يلعب بيه
- موكى :     هات يا ساهر دورى
ساهر :         انت بتلعب بالتابلت
موكى :         ما شحنه خلص ، انا عايز دورى 
ساهر :         لا اشحن التابلت و العب بيه و هو بيشحن
موكى :         هو انت جاى بيت تيته علشان تقول لى ما  تلعبش بالكمبيوتر بتاعها !!!!!!!!!

الأحد، فبراير 23، 2014

العيل السخنه

22 فبراير ، انه يوم نستعد له كما نستعد لكل فرد فى العائله تقريبا
و بما ان ده يوم عيد ميلاد قردنا الصغير موكى 
قرر عمه ايمن ان يقضى هذا اليوم فى ال " عيل السخنه " او " العيال السخنه " حسب سماع موكى ، و ان يحتفل له هناك 
و نروح و نحط الشنط و يجرى موكى و بودى على حمام السباحه على ما نخلص.
و نتحرك جميعا بكل كسل داخل الشاليه و بعد قليل يعود موكى و بودى متكتكيييييييييييييين من البرد
حمام السباحه مش مجهز للنزول شتاءا
و بعدها بفتره قلنا نروح البحر اكيد هيكون دافى خاصه وقت العصر
و نجرب ننزل و المياه تجمد شعر راسنا من  البروده
و بعد شويه نقرر نغامر انا و بودى و ننزل نزله رجل شجاع
و موكى نزل معانا
و رجع قعد و اتكلفت فى الفوطه.
و كل شويه ينزل البحر و هو اصلا بيترعش
ف عمه قاله خلاص مفيش نزول كده يجيلك برد

فيميل موكى على مامته و يقول لها " هو كان جايبنى العيل السخنه علشان يقول لى ما تنزلش تعوم !!!!!!!!!!!! "