ع.ي.ا. ل @@@ عيال

سئلت لماذاوما هدفها؟أجيب بأنه من الانانيه أن نكتب عن أنفسنا فقط فى حين أن الأطفال( معجزة حية من معجزات الرحمن) يُعَّلِمونناو يقَوِّمون الكثير من سلوكياتنا بتـلـقـائـيـه ليس لها مثيل برغم تكبّرنا على الأعتراف بهذا ............ محركى الأحداث: **بودى: كى جى 1 ...5 سنوات **أميرة: ثالثة ابتدائى .شهادة يا ناس...8 سنوات **نوران: ثانية ابتدائى....7 سنوات حاليا اخيرا و ليس أخرا , محمد أحمد سنتين و مفيش كلام. عام 2017: بودى 17،أميرة21،نوران20،موكى8 سنوات

الجمعة، ديسمبر 23، 2005

مخاصمك, مخاصمك, مخاصمك

الووو , نوثة؟
ازيك يا دودو وحشتنى جدا
يا سلام , مجيتيش ليه لحد دلوقتى؟
مينفعش اجى يا دودو دلوقتى, الوقت متأخر و الدنيا بالليل
لأ تيجى
تيجى
تيجى
يا دودو , بص لو جدو جه من تحت و قدر يوصلنى بالعربية هجيلك يا إما هجيلك بكرة
طيب , هخاصمك هخاصمك هخاصمك
ليه بس يا دودو , مش انت كبرت دلوقتى و عارف انه مينفعش امشى لوحدى باليل؟
يا نوثة الناس كلها جات سألت على ماما , و انتى مش هتيجى تسألى عليها يعنى؟؟؟؟؟؟؟؟
يا بودى ما أنا كل شوية بسأل عليها بالتليفون
لأ برضه . هخاصمك لحد ما تيجى
كده يا بودى . ماشى و انا كمان هخاصمك عشان مش عايز تفهم و عايزنى امشى فى الشارع لوحدى باليل
لأ لأ لأ خلاص مش هخاصمك , بس يا نوثة انا عايزك تيجى تشوفى ماما و تقعدى معايا
ماشى , بكرة إنشاء الله اجى
لأ دلوقتى, يا إما هخاصمك . انا عايزك تيجى تلعبى معايا الوحوش المتصارعة
انا جبت كارت جديد اسمه "التنين ذو الجناح الذهبى "ء
و عارفه بقى , ده قوى جدا جدا ده قوة هجومه 3000 و ....... و كيت و كيت و كيت
و نسى بودى انه يخاصمنى و فضل يحكى عن الوحوش بتاعته و قاللى كل اسماءهم و قوة هجومهم و دفاعهم و .....ء

2 Comments:

  • At 1:47 م, Anonymous 3abra2of said…

    شوفتوا...احنا ما بنعرفش نخاصم
    احنا عايزين حد نحكيله عن وحوشنا الجديدة..عايزين حد يسمعنا و يحب يسمع كلامنا مش حد يحب يسمع الكلام اللى يعجبه..!!

     
  • At 1:08 ص, Blogger Ahmed Elsabbagh said…

    ههههههه
    العيال دول غلابة اوى
    مش عارف هيعملوا ايه فى الغابة دى لما يكبروا

     

إرسال تعليق

<< Home