العيد ميلاد.... باااااااااااااااااااظ
يالا يا طنط عشان نعلق الزينة بتاعة العيد ميلاد , عشان عيد ميلادى بكرة
اجيبلك السوليتب؟
ايوة يا بودى , و هات المقص كمان
و علقت طنط الزينة
شكلها حلو اوى يا طنط , شكلها جميييييييييييييييل اووى اوى
و مشيت طنط عشان تيجى العيد ميلاد بكرة
و لعبنا و اكلنا و نمنا
ص 7:30 صحى بودى
نوثة , انا عايز ادخل الحمام
روح يا بودى
ص 7:32 رجع بودى
نوثة انا بطنى وجعانى , اصلى جعاااان اوى
احنا لسه بدرى اوى يا بودى محدش بياكل دلوقتى يالا كمل نووم عشان تعرف تلعب كويس فى العيد ميلاد
ص 7:35 قال بودى
انا بطنى وجعانى , و مش جعان , بث هروح الحمام تانى
روح يا بودى
ص 7:40 رجع بودى يجرى
نوثة نوثة الحقى يا نوثة العيد ميلاد
ماله يا دودو؟
العيد ميلاد باااااااااااظ
ليه بس يا بودى هو لسه بدأ؟؟
الزينة .. الزينة وقعت يا نوثة
و بصوت متهدج و حزين
يبقى العيد ميلاد باااظ
posted by Eanass Abouzeid @ 2:59 م
3 Comments:
At 12:17 م,
kalam said…
فكره المدونه كلها جامده جدا
وواضح ان المواقف ما فيهاش اى تدخل ادبى منك
يا دوب بتنقلى احداث بيعملها العيال
بلغى بودى اسفى على عيد الميلاد اللى باظ
بس كل سنه وهو طيب وعقبال 100 سنه
At 12:58 ص,
Ahmed Al-Sabbagh said…
ههههههههههه
ياعينى يا بودى
بس تصدقى بيصعبوا عليا اوى
At 4:44 م,
غير معرف said…
ايه الكلام الفرغ ده ... انت شكلك واحده فاضيه قاعده تكتب كلام فارغ
إرسال تعليق
<< Home