انا كبرت

نوسه كانت بتكوى هدوم ،و موكى بيتفرج عليها ، فجأه موكى مد ايده علشان يمسك المكواه و يكوى هو

نوسه : لأ يا موكى ، شيل ايدك ما ينفعش علشان انت لسه صغير ممكن تتلسع و ايدك تتحرق من المكواه

سكت موكى شويه و بعدين شد جسمه كده و قال : ثوفى ، انا اهه كبرت ، انا كبيير

قلت له : لأ لسه صغير ، لما تكبر كمان شويه 

موكى : اكبر قد ايه يعنى ؟

نوثه : تكبر ... تكبر قد عبد الرحمن ، او قدى ، شوف انا طويله ازاى ؟لما تبقى طولى.

سكت موكى تانى و بعدين راح وقف على الكرسى و قال لى : اهه ، انا كبرت ثوفى ازاى .