ع.ي.ا. ل @@@ عيال

سئلت لماذاوما هدفها؟أجيب بأنه من الانانيه أن نكتب عن أنفسنا فقط فى حين أن الأطفال( معجزة حية من معجزات الرحمن) يُعَّلِمونناو يقَوِّمون الكثير من سلوكياتنا بتـلـقـائـيـه ليس لها مثيل برغم تكبّرنا على الأعتراف بهذا ............ محركى الأحداث: **بودى..............كى جى 1 ..5 سنوات **أميرة.......ثالثة ابتدائى .شهادة يا ناس...8 سنوات **نوران.......ثانية ابتدائى....7 سنوات حاليا اخيرا و ليس أخرا , محمد أحمد سنتين و مفيش كلام

الخميس، أبريل 21، 2005

يا ماااااااااااااااااااااااااااما

ماما النهارده بودى قعد يصرخ و يصوت و مش عايزنى اقعد جنبة فى الباص الصبح
و مسكتش غير لما تسنيم قعدت جنبة و انا قعدت جنب مرام
ليه يا ميرو؟ عملتيلو اية
!!!!!!قال ايه شعرى منكوش و السورتيت معوج و شكلى وحش

إنقراض

يوه بقى يا ميرو هوا انتى لازم تمسكى ايدى و احنا ماشيين فى الشارع
أيوه لازم
ليه؟؟ سيبينى بقى
مينفعش
يا ستى هيجرى ايه يعنى؟ ايه يعنى يا ميرو لو عربيه خبطتك ولا حد خطفك
مش ممكن
لييييه
يوووووووه , أنتى عايزانى أموت
خطر
ليه
عشان انا مهددة بالإتقراض
!!!!!!!نعم
هوا فيه كام أميرة أحمد عبدالظاهر؟؟
مفيش غيرى, يبقى مهددة بالإنقراض ولا لأ؟