حرف الحاء
- يا موكى , الحق العربيه خبطت
- العربيه حبط ؟؟
- لأ يا موكى خبط من حبط ,
- حبط ! العربيه حبط !!!
- خ يا موكى مش ح , طيب تعالى نستخبى
- نستحبى ؟؟ يالا نستحبى يا نوسه
- يا موكى فضحتنا نستخبى , خ يا موكى مش ح
و تمر الشهور و الايام و هو مصر على ح مش خ لحد فى يوم و هما بيلعبوا تقول له نوسه : العربيه خبط يا موكى ؟؟ يقولها العربيه حبط يا نوسه , قالت تجرب حاجه تانيه
- طيب قول خوخ يا موكى
- خوخ !!
- ايه ده , ما انت بتقول ال خ اهه , امال ايه حكايه ال ح دى , طيب قول خبط ؟؟
- حبط , العربيه حبط يا نوسه !!!
posted by Eanass Abouzeid @ 11:05 ص
2 comments
