ع.ي.ا. ل @@@ عيال

سئلت لماذاوما هدفها؟أجيب بأنه من الانانيه أن نكتب عن أنفسنا فقط فى حين أن الأطفال( معجزة حية من معجزات الرحمن) يُعَّلِمونناو يقَوِّمون الكثير من سلوكياتنا بتـلـقـائـيـه ليس لها مثيل برغم تكبّرنا على الأعتراف بهذا ............ محركى الأحداث: **بودى..............كى جى 1 ..5 سنوات **أميرة.......ثالثة ابتدائى .شهادة يا ناس...8 سنوات **نوران.......ثانية ابتدائى....7 سنوات حاليا اخيرا و ليس أخرا , محمد أحمد سنتين و مفيش كلام

الأربعاء، مايو 16، 2007

تصبيره

محادثه تليفونيه بين أميره و جدتها:ء
الجدة: كل سنه و إتنى طيبة يا ميرو
أميره: مرثى يا تيتتو, بس لما أجى هتعميليلى عيد ميلاد تانى
الجدة:لأ بأه ما إنتى عملتى واحد عندك خلاص , و كل سنة و إنتى طيبة
أميره: لأ ده كان عيد ميلاد فيه تورته صغيرة كده يعنى عيد ميلاد تصبيره لحد ما نعمل واحد تانى بعد الإمتحانات

الأحد، مايو 13، 2007

كاراتيييييييييييييييييييييييييه

أخيرا تحقق حلم بودى بالإشتراك فى تمارين الكاراتيه
و فى يوم من الأيام راحت العائله الكريمه للنادى سوا سوا
بعد ما بودى خلص التمرين المهم جدا - إحم تمرين الحزام الأبيض - راح بودى جرى على باباه يحكيلوا على الأمجاد اللى عملها و حبة من " شوفت يا بابا الحركه دى " على حبة من " لما الكابتن زعق لصاحبى اللى عمل غلط " على حبة من " أنا عملت صح و الكابتن خلاهم يعملوا زيى"
و خلص اليوم .. و هوب العائله ماشيه و معديه من جنب الملعب بتاع الكاراتيه اللى بيتمرن فيه دلوقتى الكبار بتوع الحزام الإسود
بودى لف لباباه و سألوا بكل إندهاش : بابا هما بيتصارعوا كده ليه ؟؟؟؟؟؟؟؟؟؟؟