ع.ي.ا. ل @@@ عيال

سئلت لماذاوما هدفها؟أجيب بأنه من الانانيه أن نكتب عن أنفسنا فقط فى حين أن الأطفال( معجزة حية من معجزات الرحمن) يُعَّلِمونناو يقَوِّمون الكثير من سلوكياتنا بتـلـقـائـيـه ليس لها مثيل برغم تكبّرنا على الأعتراف بهذا ............ محركى الأحداث: **بودى..............كى جى 1 ..5 سنوات **أميرة.......ثالثة ابتدائى .شهادة يا ناس...8 سنوات **نوران.......ثانية ابتدائى....7 سنوات حاليا اخيرا و ليس أخرا , محمد أحمد سنتين و مفيش كلام

الثلاثاء، ديسمبر 25، 2007

عيال ...... بس اوارييب

إمسك ... حالات أوربة فى العيال
الحالة الأولى :
غلط , و كل انسان بيغلط
قررت اعذب نفسى و البس كعب عالى , كنت عايزة اشوف احساس الناس لما تبص للدنيا من على مسافة بيكون ازاى.
المهم اننى يومها رحت زيارة لأخويا فى بيته . و كنت واقفة فى المطبخ و دخلت عليا أميرة النميرة و عملت حاجة و خرجت و فجأه لفت و رجعت تانى تسألنى بشك و ريبة " إنتى طولتى يا نوثة؟؟؟؟؟؟ " و نظرات ريبة قوية جدا تصدر عنها .



الحالة الثانية :

( جو وشوشه و لؤم بين أميرة و نورا . و كنا لسه راجعين من النادى حيث اللعب و المتعه)
أميرة : بث الولد الصغير ده " هو كان اسمه ايه ؟ " عثوول أووى
نوران : هو برضه اللى عسوول ولا عشان أخووه كان معاه ؟؟؟؟
أميرة : هشششششش ( و بتبصلى عشان تنبه نورا متعليش صوتها لأسمعهم )
طبعا عملتنى ما بسمعش


الحالة الثالثة:

بودى يقوم بحركات الرذاله المعتاده و يضع أشياء فوق رأسى ثم يستغرق فى الضحك العميق و فجأه يقرر تحويل إنتباهه لشئ أخر.

أناديه " تعال يا حمار اعدل شعرى اللى بهدلته ده "
يأتى كاتما ضحكة من أعماق قلبه و اسمعه يهمس " شبه الصعقة الكهربيه "

و فييه حالااااااااااااات كتيير بس هما دول اللى افتكرتهم

الخميس، ديسمبر 20، 2007

عيال .. بس أخلاق

أقولك على حاجة يا نوثة؟
أقولك على حاجة يا نوثة؟
أقولك على حاجة اميره قالتهالى؟
قول يا بوجى " بوجى هو بودى "
فاكره لما كنا فى الساحل بس كنت أنا و ماما لسة ما روحنالكمش. كنا لسا ما ركبناش الباص اللى بيروح هناك. و كانت أميرة و نورا معاكوا. أميره قالتلى أنها هى و نورا مره كان فيه فراشة مضيقاهم و عماله تجرى و راهم و تطاردهم -فراشة من اللى لونها أحمر و كده - راحت نورا "قتلاها " ضربتها بإيدها كده " و يقوم بودى بوصف الضربة بيده" و موتوها . و لما لقيوها ماتت راحوا دفنوها فى الجنينه تحت الزرع و وقفوا و قرؤا عليها الفاتحة.