ادى الحضانات و لا بلاش :)

طبعا بعد ما اتشتمت و اتهنت و اتقال لى " يا فلول " افتكر البيه المقولات المأثورة اللى بياخدها فى الحضانه

لقيته بيقول " انا  مش فلول و هاانتخب حمدين "

ده طبعا غير الوصلات الوطنية اللى بيتحفنا بيها من وقت للتانى " ارفع راثك فوق انت مثرى "

" انا مثلم و الحمدلله "

" ماما يعنى فاثر " عادى بيتلخبط 

سمكه يعنى فيث

بغض النظر عن ها ينتخب مين , بس المهم انهم بيغرزوا فى النشأ مبادئ و قيم و تعليم , عارفين يعنى ايه النقش على الحجر

تحياتى لكل من يعمل بها

عيل ثورجى

فى عز اللعب  و الهزار , عملت انا فصل فى الواد موكى , فحب يردها لى, 

راح وقف على الترابيزه و من كل قلبه كشر و شنك منخيره و قال لى:

 " يا فلول "