العيد ميلاد.... باااااااااااااااااااظ

يالا يا طنط عشان نعلق الزينة بتاعة العيد ميلاد , عشان عيد ميلادى بكرة

اجيبلك السوليتب؟

ايوة يا بودى , و هات المقص كمان

و علقت طنط الزينة

شكلها حلو اوى يا طنط , شكلها جميييييييييييييييل اووى اوى

و مشيت طنط عشان تيجى العيد ميلاد بكرة

و لعبنا و اكلنا و نمنا

ص 7:30 صحى بودى

نوثة , انا عايز ادخل الحمام

روح يا بودى

ص 7:32 رجع بودى

نوثة انا بطنى وجعانى , اصلى جعاااان اوى

احنا لسه بدرى اوى يا بودى محدش بياكل دلوقتى يالا كمل نووم عشان تعرف تلعب كويس فى العيد ميلاد

ص 7:35 قال بودى

انا بطنى وجعانى , و مش جعان , بث هروح الحمام تانى

روح يا بودى

ص 7:40 رجع بودى يجرى

نوثة نوثة الحقى يا نوثة العيد ميلاد

ماله يا دودو؟

العيد ميلاد باااااااااااظ

ليه بس يا بودى هو لسه بدأ؟؟

الزينة .. الزينة وقعت يا نوثة

و بصوت متهدج و حزين

يبقى العيد ميلاد باااظ

مخاصمك, مخاصمك, مخاصمك

الووو , نوثة؟
ازيك يا دودو وحشتنى جدا
يا سلام , مجيتيش ليه لحد دلوقتى؟

مينفعش اجى يا دودو دلوقتى, الوقت متأخر و الدنيا بالليل
لأ تيجى
تيجى
تيجى
يا دودو , بص لو جدو جه من تحت و قدر يوصلنى بالعربية هجيلك يا إما هجيلك بكرة
طيب , هخاصمك هخاصمك هخاصمك
ليه بس يا دودو , مش انت كبرت دلوقتى و عارف انه مينفعش امشى لوحدى باليل؟
يا نوثة الناس كلها جات سألت على ماما , و انتى مش هتيجى تسألى عليها يعنى؟؟؟؟؟؟؟؟

يا بودى ما أنا كل شوية بسأل عليها بالتليفون
لأ برضه . هخاصمك لحد ما تيجى
كده يا بودى . ماشى و انا كمان هخاصمك عشان مش عايز تفهم و عايزنى امشى فى الشارع لوحدى باليل
لأ لأ لأ خلاص مش هخاصمك , بس يا نوثة انا عايزك تيجى تشوفى ماما و تقعدى معايا
ماشى , بكرة إنشاء الله اجى
لأ دلوقتى, يا إما هخاصمك . انا عايزك تيجى تلعبى معايا الوحوش المتصارعة
انا جبت كارت جديد اسمه "التنين ذو الجناح الذهبى "ء
و عارفه بقى , ده قوى جدا جدا ده قوة هجومه 3000 و ....... و كيت و كيت و كيت
و نسى بودى انه يخاصمنى و فضل يحكى عن الوحوش بتاعته و قاللى كل اسماءهم و قوة هجومهم و دفاعهم و .....ء

يوم الضياع العالمى

ازيك يا سماح عاملة اية؟
كويسة الحمد للله و انتو عاملين ايه
كوييسيين و ازى اطفالك ميرو و بودى؟
اسكتى يا نوسة دة انا النهاردة كنت هشد فى شعرى خلاص اتجننت
لية ايه اللى حصل؟
امبارح الواد بودى جه و قاللى:ء

بودى: انا عايز هدوم عشان هنعمل عرض ازياء فالمدرسة و الميس قالت كل واحد يجيب الهدوم اللى هيلبسها معاه

ماما: حاضر يا بودى تعالى ننقى الهدوم اللى انت عايزها من الدولاب

و نقى بودى الهدوم و ااخذها معاه المدرسة

دنج دنج
رن جرس الباب فى ميعاد عودة بودى

ازيك يا ماما
ازيك يا بودى
ايه ده امال فين شنطة الهدوم بتاعتك؟
الميس اخدتها
نعم!!!!!!!!!!!ء
والله الميس اخدتها لحد ما نعمل الحفلة بتاعة عرض الازياء و بعدين ناخدوهم تانى
عارف لو الهدوم دى ما رجعتش انا هعاقبك جامد جدا

هاهاهاها
معلش كويس انه عارف حصلهم ايه و انشاء الله هيرجعهم

انشاء الله و على الاقل دة عارف حاجته راحت فيين الدور و الباقى على المسطولة التانية
ايه هى عملت ايه هى كمان؟


رن جرس الباب فى ميعاد عودة أميرة
و لقيتها بوش مبهدل غرقان فالدموع و انهيار تام و و و ..... وجابة حماية خلفها

مين جايبة تسنيم صاحبتها

يا ريت دى جابت ام تسنيم نفسها لقيتها جاية و من على الباب تقولى
معلش يا سماح سامحيها وننبى ما تضربيها

هاهاهاها يعنى فضحتك و خلت الست تفتكرك بتضربيها دايما

المهم سألتها: ايه اللى حصل يا اميرة مالك فيه ايه؟؟؟؟ اتكلمى

اثل
اثل
دموع و عياااااااااااااااااااااااااااااااااااط
اثل شنطتى ضاعت فى المدرسة

ضاعت ازاى يعنى
لما جيت انزل من الباص ملقيتهاش معايا
الجارة: سامحيها يا ماما معلش هي يظهر نسيتها فالمدرسة
طيب كفاية عياط و قوليلى نسيتيها ازاى؟
اثلى كنت فى الحمام لما نادونا عشان الباص فجريت عشان الحقه فنسيتها

و اللى يغيظ يا نوسة انها جايه و معاها الزمزمية و كيس فلوسها

لما هديت سألتها ليه كيس الفلوس و الزمزمية ما ضاعوش هما كمان؟

قالت: اصلى كنت بملى الزمزمية ميه و كنت هشترى حاجة حلوها بعدها

هم طيب بكرة اول حاجة تعمليها لما تروحى المدرسة تدورى على الشنطة فاهمة؟؟

و بالليل جيت و سألتها : يا اميرة هو انت تقدرى تعيطى كده من غير ما تكونى زعلانة يعنى؟ تمثيل مثلا

ايوة اقدر

و تنزل منك دموع كتيرة كدة زى الزعلانين بالضبط؟

ايوة تحبى اوريكى؟ !!!!!!!!ء