ع.ي.ا. ل @@@ عيال

سئلت لماذاوما هدفها؟أجيب بأنه من الانانيه أن نكتب عن أنفسنا فقط فى حين أن الأطفال( معجزة حية من معجزات الرحمن) يُعَّلِمونناو يقَوِّمون الكثير من سلوكياتنا بتـلـقـائـيـه ليس لها مثيل برغم تكبّرنا على الأعتراف بهذا ............ محركى الأحداث: **بودى: كى جى 1 ...5 سنوات **أميرة: ثالثة ابتدائى .شهادة يا ناس...8 سنوات **نوران: ثانية ابتدائى....7 سنوات حاليا اخيرا و ليس أخرا , محمد أحمد سنتين و مفيش كلام. عام 2017: بودى 17،أميرة21،نوران20،موكى8 سنوات

الجمعة، ديسمبر 31، 2004

عيال


Posted by Hello

الاثنين، ديسمبر 27، 2004

وجهة نظر

أميرة و بودى إجمعوا حاجاتكم علشان نروح.... , بسرعة شويه.ء
.
لأ, أنتى مش حماكِ قال لك إستنى لما يرجع من الشغل و هو هيوصلنا؟؟ لازم تسمعى كلام حماكِ
يا تيته قوليلها تستنى . مش هى لازم تسمع كلام جوزك؟
.
فيه أيه يا أميرة ؟ مش عيب تقولى كده؟
.
بس جدو قال إنه هيوصلنا و أنا عايزة أسنتاه.ء
.
و بعد شويه جه جدو و حكوا له الحكاية
.
يرضيك كدة يا جدو أميرة تقولى حماكِ؟؟
.
أيوة حماكِ , ما أنا بكلم كل واحد بالشكل اللى يفهموا
هو حماكِ , و زوج تيته , و جدى أنا!!!ء

الجمعة، ديسمبر 24، 2004

الأميرة الصغيرة

بكتب ع الكمبيوتر و
دخلت أميرة و مامتها علشان الصغيرة تلبس بيجامتها
..و الكمبيوتر عملها و الكهرباء فصلها و
THE COMPUTER LOSE ALL
HIS DATA WHEN
ELECTRICITY CUTS OFF
مفيش خوف محصلش حاجة , دى الأميرة الصغيرة كانت بتسمع درس الكمبيوتر عملى لما شافت اللى حصلى. أصل عندها امتحان كمبيوتر الأسبوع القادم

أ أ أ أ

الووو؟
الووو ايوة يا نوسه
مين انت؟
!انا عبد الرحمن
عبدالرحمن ميين؟؟
انا عبدالرحمن ابن اخوكى
اهلا اهلا .. ازيك يا عبدالرحمن عامل ايه ؟
كويس. نوسه مش انتوا نمرتكوا
five eight six six لأ five eight six five six six four?
. لا يا بودى مش هى . بس شوف النمرة اللى طلبتها, هى دى .
اه هى ( تيييييييييت تيت تيت تييييييت تييت تييت تييييييييييت) طبعا كان بيضرب النمرة تانى و هو بيتكلم كنوع من التدريب العملى
اقولك على حاجة يا نوسه؟
قول
انا معايا جني ى ى ى ه (معاه جنيه)ء
مممممممممم عظيم. قولى بقى هتعمل بيه ايه؟
:) :) :) :) !!!!أ أ أ . نسيت

الخميس، ديسمبر 23، 2004

اللى بعا صا ية من تحت ولا من فوق؟؟ b

يالا يا بودى ورينى بتكتب حلو ازاى
.بتاعى فى البيت يا تيتهH.W ما انا خلصت ال
.بس انا عايزة اتفرج على خطك الجميل , يالا ورينى الشطارة روح هات الورقه البيضه اللى هناك دى و اكتب فيها اللى هقولهولك
حاضر يا تيته
a
D
i
شوفى كده؟ ايه رأيك بقى؟؟
جميل, يالا كمل
.......طيب هشرب ميه و ارجع على طول
فييييييييييييييين قلمى اللى كنت بكتب بيه
شوفوا مكان ما سيبته
.
(بص يمين شمال ملقيوش.... جرى على اخته خطف قلمها)
.
يامااااااااااااااااااما بودى خد القلم بتاعى اذاكر بإيه انا دلوقت
متخافيش يا ميرو لما أخلص هديهولك تانى
سيب قلمها يا بودى انا هجبلك قلم من شنطتى
.
(طاخ طيخ تش طاخ ههع انا اللى كسبت المره دى.. كده طيب خد... طاخ طاخ تش طيخ ء ء ء انا اللى كسبتك المره دى.. لأ انتى طيرتى الاستيكه من القلم مكسبتييش نعييد تانى)
يا نهار ابيض عليكى!!! ايش حال ما انتى عمته و ليكى اخ اصغر منك... ايه اللى بتعمليه دة
ولا حاجة ياماما بلعب سيوف معى بودى
ربنا يكملك بعقلك يا بنتى... يالا يا بودى روح كمل كتابه
حاضر يا تيته
G
b
اللى بعصايه من تحت ولا من فوق يا تيته؟؟ b

انا عايزة قطة

(..... بس ده خطر عليك يا حمدى... متخافيش يا سعاد أنا لازم اروح و اواجهه ( ده المسلسل على التليفزيون طبعا
.
!!!انا متغاظه اوى من الدكتور ده مش عايز يقولى انا هجيب ولد ولا بنت
.
امال لما بتسأليه بيقول ايه؟؟؟
.
.....النهارده قالى متخافيش هتجيبى أسد انشاء الله . و لما
.
.نوسه نوسة شوفتى بقى الدكتور قال ايه لماما.... قالها هتجيب أسد و أنا مش عايزة أسد .. مليش دعوة انا زعلانة
.
امال عايزة اية يا ميرو؟؟
.
أنا عايزة قطه
!!!!!!!!!!دى أحداث قديمه حصلت من 5 سنوات لما أميرة كانت عايزة بدل عبدالرحمن قطة

10 over 10

هه, بس كده
ايه ده يا بودى بتشخبط فى ايه؟
اصل ..اصل يا ماما المس النهارده خلتنا
englishفى ال10 over 10 و انا اخذت mathو الenglish نكتب ال
mathبس هى نقصتنى فى ال
و انت بتعمل ايه دلوقتى؟
اصل..اصل انا معملتش غلط انا كتبت صح بس هى اللى
!!!10 over 10 مخدتش بالها عشان كده انا بصلحهالنفسى

أنا عايز أنام

أنا هدخل أنام و أنتى تحكيلى حدوته
تؤ تؤ مليش مزاج تعالى نام و انا اغطييك
.
...لأ بقى يا نوسه بطلى غلاسه ...
... رجلى لسه متغتطش ...
...ادعكيلى فى ظهرى عشان اعرف انام ..
...هنا..
....هنا؟.. لأ مش من فوق الهدوم..
... فين المخده الكبيرة..
... لأ دى صغيرة مش هعرف احط ايدى تحتها...كده كويس!؟
...يووه اهو رجلى بقت عراينه تانى غطينى كويس بقى...
.
.
.
شوف يا سيدى .. كان ياما كان و ما يحلى الكلام إلا بذكر النبى عليه الصلاة و السلام
كان فيه واحد اسمه الشاطر حسن و ك ..ء
.
هى دى بتاعة التنين و الأميرة؟؟
.
لأ دى واحده تانية
.
بس انا عايز بتاعة التنين
.
ماشى كلامك
كان فيه واحد اسمه الشاطر حسن و كان عايش فى بلد اسمها بلاد ال...ء
.
نوسة اطفى النور الكبير و خلى نور صغير أووى أوى... بس انا مش بخاف دة عشان لما اصحى عشان اشرب ميه
أشوف الإزازه و موقعهاش
.
حاضر يا سيدى
كان فيه واحد اسمه الشاطر حسن و كان عايش فى بلد اسمها بلاد ال...ء
.
و بدأنا الحكاية و طفينا النور الكبير و خلينا الصغير أوى أوى و لقيت كف صغير خرج من تحت المخدة و مسك فى كفى و صاحبها غمض عينية و ناااااااااااام

الثلاثاء، ديسمبر 21، 2004

حدوتة ملتوتة

مليش دعوة أنا عايزة العب بيها الأول
لأععععععععععععععع أنا اللى جايبها يبقى أنا اللى ألعب بيها
لأ يا نوسه أنا اللى قلتلهم عليها و كنت عارفه مكانها كمان. يبقى أنا اللى..........ء
باااااااااااس كفايه خناق لأنتى ولا هما أنا هشيلها عشان تبقوا تتخانقوا تانى مرة

.
.
.

يوووه بقى شوفتوا أهو مش هنلعب بيها عجبكوا كده دى حاجه تأرف (بودى 4 سنوات)ء
إنننننننننننننننننتتى السبب قلتلك نلعب بيها سوى مرضيتييش و قولتى للللأ أنا الأول (نوران 6 سنوات)
ء
خلاص مليش دعوة بيكوا مش هكلمكوا و هخاصمك عشان إنتى اللى زعقتى و بدأتى الخناق(أميرة 7 سنوات)ء
.
.
أميرة سابتهم و راحت مسكت قصة و بدأت تفتحها عشان تقرأها
بودى ساب المكعبات على الأرض و راح جلس جنبها و " قوليلى يا أميرة بتقول إيه الحدوتة دى"ء
نورا إتسحبت و جلست جنبها و قربت رأسها الصغير و " أيوة يا أميرة أحكيهالنا لو سمحتى"ء
.
"كان ياما كان فى س س سال ل ليف الع ع عصر و الاوان كان فيه....ء"
.
كنت ساعتها فى المطبخ
طليت برأسى و لقيت أميره على الكنبة و هما حوليها من الجنبين و هى بتحكى الحدوتة
و فكرت "أنا لازم أقدم لأميرة فى المكتبه زى ما وعدتها" و جانى صوتهم من الصالة
.
هما بيعملو اية فى الصوره دى يا ميرو ههه ههه
اسكت يا بودى هى هتقول دلوقتى
هما كانوا .......ء